06/01/2026
देवाचा मान उंचावणाऱ्या न्यायासाठी हबक्कूकच्या अंतःकरणातील खोल तळमळ आणि तो न्याय दिसून येत नसल्यामुळे उमटणारी त्याची प्रखर विरोधी प्रतिक्रिया यांमुळे हे पुस्तक आजच्या वाचकांसाठी फारच प्रासंगिक ठरते. जगभरातून येणाऱ्या त्रासदायक बातम्या व दृश्यांनी आपण वेढलेलो असताना, जर आपण या समस्येकडे सुवार्तेच्या प्रकाशात पाहिले नाही, तर तिची प्रचंडता आपल्याला सहजपणे भारावून टाकू शकते.

